Aye kaash ke aajaye Attar Madinay mein (Alhamdulillah Azawajal 25 Shaban-ul-Muazzam 1414 AH ko yeh marooza pesh kiya gaya) Aye kaash ke aajaye Attar Madinay mein Bulwa lo Khudara! ab Sarkar Madinay mein Kab tak mein phiroon dar dar marnay bhi do ab Sarwar! Dahliz pe sar rakh kar Sarkar Madinay mein Rozay ke qareeb aakar gir jaon mein ghash kha kar Hojaye tumhara phir deedar Madinay mein Roti hui aankhon se betab nigahon se Ho Gumbad-e-Khizra ka deedar Madinay mein Duniya ke ghamon ki tum lillah dawa de do Bulwa ke gham-e-apna do Sarkar Madinay mein Mil jaye shifa is ko darbar-e-Muhammad se Aajaye jo koi bhi beemar Madinay mein Ho 'Dawat-e-Islami' ki dhoom machi har su Tarkeeb ho markaz ki Sarkar-e-Madine mein Thehro ge shafa'at ke haqdar yaqeenan tum Aajao gunahgaro! ik baar Madine mein Ikhlas ata kardo aur khulq bhala kar do! Bulwa ke Shehenshah-e-Abrar Madine mein Be-ja na hansi aaye sanjeeda bana deeje Bulwa ke Shehenshah-e-Abrar Madine mein Allah ki ulfat do aur apni mohabbat do Bulwa ke Shehenshah-e-Abrar Madine mein Betab jigar deedo aur aankh bhi tar deedo Bulwa ke Shehenshah-e-Abrar Madine mein Isyaan ki dawa deedo Sarkar-e-Shifa deedo Bulwa ke Shehenshah-e-Abrar Madine mein Is nafs-e-sitamgar ko qabu mein mere kardo! Bulwa ke Shehenshah-e-Abrar Madine mein Duniya ki mohabbat se dil pak mera kar do Bulwa ke Shehenshah-e-Abrar Madine mein Rona bhi sikha do aur sikhla do tarapna bhi Bulwa ke Shehenshah-e-Abrar Madine mein Aankhon mein sama jao seene mein utar aao Bulwa ke Shehenshah-e-Abrar Madine mein Jalwon se dil-e-veeraan abad karo jaana! Bulwa ke Shehenshah-e-Abrar Madine mein Sag apna mujhe keh do qadmon mein mujhe rakh lo Bulwa ke Shehenshah-e-Abrar Madine mein Qadmon se lagalo tum deewana banalo tum Bulwa ke Shehenshah-e-Abrar Madine mein Qismat meri chamka do turbat meri banwa do Bulwa ke Shehenshah-e-Abrar Madine mein Ramzan ki baharein hon Taiba ki fazayein hon Aur jhoomta phirta ho Attar Madine mein