Asmaan gar tere talwan ka nazara karta – Naat Lyrics in Roman English

آسماں گر تیرے تلواں کا نظارہ کرتا

Source collection: Zauq-e-Naat / classical naat collections

Asmaan gar tere talwan ka nazara karta Roz ik chand tasadduq mein utara karta Tuaf-e-rauza hi pe chakraye thay kuch nawaqif Main to aape mein na tha aur jo sajda karta Sarsar-e-dasht-e-madina jo karam farmati Kyun main ufturoogi-e-bakht ki parwa karta Muchhup gaya chand na aayi tere deedar ki taab Aur agar samne rehta bhi to sajda karta Yeh wahi hain ke garo aap aur un par machlo Ulti baton pe kaho na seedha karta Ham se zarron ki to taqdeer hi chamka jata Mehar-e-farma ke woh jis raah se nikla karta Dhoom zarron mein Ana-ush-shams ki par jati hai Jis taraf se hai guzar chand hamara karta Aah kya khoob tha gar hazir-e-dar hota main Un ke saya ke talay chain se soya karta Shauq-o-adaab baham garam kashakash rehte Ishq gum kardah to un aql se uljha karta Aankh uthti to main jhanjhla ke palak si leta Dil bigarta to main ghabra ke sambhala karta Bekhudana kabhi sajda mein shue-e-dar girta Janib qibla kabhi chaunk ke palta karta Baam tak dil ko kabhi baal-e-kabootar deta Khak par gir ke kabhi haye khudaya karta Gaah marham nahi-e-zakhm-e-jigar mein rehta Gaah nashtar zani-e-khoon-e-tamanna karta Hamrah mehar kabhi gard-e-khateera phirta Saya ke sath kabhi khak pe lota karta Sohbat-e-dagh-e-jigar se kabhi ji behlata Ulfat-e-dast-o-gareeban ka tamasha karta Dil-e-hairan ko kabhi zauq-e-tapish par lata Tapish-e-dil ko kabhi hosla farsa karta Kabhi khud apne taghayyur pe hairan rehta Kabhi khud apne samajhne ko na samjha karta Kabhi kehta ke yeh kya bazm hai kaisi hai bahaar Kabhi andaaz-e-shajail se main tauba karta Kabhi kehta ke yeh kya josh-e-junoon hai zaalim Kabhi phir gir ke tarapne ki tamanna karta Suthri suthri woh fiza dekh ke main gharq-e-gunah Apni aankhon mein khud us bazm mein khatka karta Kabhi rehmat ke tasavvur mein hansi aa jaati Paas-e-aadaab kabhi honton ko bakhya karta Dil agar ranj-e-ma'asi se bigarne lagta Afv ka zikr suna kar main sambhala karta Yeh mazey khoobi-e-qismat se jo paaye hote Sakht deewana tha gar khuld ki parwah karta Maut us din ko jo phir naam-e-watan ka leta Khaak us sar pe jo us dar se kinara karta Ae Hasan qasd-e-Madina nahin rona hai yehi Aur main aap se kis baat ka shikwa karta

Search Your Kalam

Asmaan gar tere talwan ka nazara karta – Naat Lyrics in Roman English

More Kalam by Allama Hasan Raza Khan