Apna gham ya shah-e-anbiya deejiye chashm-e-nam ya habeeb-e-khuda deejiye – Naat Lyrics in Roman English

Apna gham ya shah-e-anbiya deejiye, chashm-e-nam ya habeeb-e-khuda deejiye. Chaak seena shah-e-doosra deejiye, qalb-e-be-chain-e-Mustafa deejiye. Mujh ko aaqa madine bula leejiye, aur mehman apna bana leejiye. Dar pe bulwa ke jalwa dikha deejiye, mera seena madina bana deejiye. Iltija hai meri ya habeeb-e-khuda, ashkbaar aankh ho jaaye mujh ko ata. Az tufail-e-Bilal-o-Awais-o-Raza, aansuon ka khazana shaha deejiye. Soz-e-ulfat ke dil mein jalaaye diye, yaad-e-taiba mein jo ja rahe hain jiye. Aur be-taab hain haazri ke liye, un ko baitha madina dikha deejiye. Mujh ko ahbaab tanha chale chhor kar, jald leeje khabar Aamina ke pisar! Ghap andhera hai ya shah-e-jinn-o-bashar, noor se lahad ab jagmaga deejiye. Hai gunaahon ka anbaar Sultan-e-Deen!, nekiyan mere palle mein kuch bhi nahin. Chaak ho jaaye parda na mera kahein, ab Khuda se shaha! bakhshwa deejiye. Kaash! neki ki dawat mein doon ja-ba-ja, sunnatein aam karta rahoon ja-ba-ja. Gar sitam ho use bhi sahoon ja-ba-ja, aisi himmat Habeeb-e-Khuda deejiye. Phir Arab ki haseen waadiyaan dekhne, sabz gumbad ki hariyaan dekhne. Roza-e-paak ki jaaliyaan dekhne, izn-e-badkaar ko Mustafa deejiye. Hai tamannaye Attar andoogeen, ho nigaah-e-karam us pe Sultan-e-Deen. Bas Baqi-e-Mubarak mein do gaz zameen, az tufail-e-Shah-e-Karbala deejiye.

Search Your Kalam

Apna gham ya shah-e-anbiya deejiye chashm-e-nam ya habeeb-e-khuda deejiye – Naat Lyrics in Roman English

More Kalam by Muhammad Ilyas Attar Qadri