Allah Ata Ho Mujhe Deedare Madina – Naat Lyrics in Roman English

Allah ata ho mujhe deedar-e-Madina Ho jaun main phir hazir-e-darbar-e-Madina Ankhein meri mehroom hain muddat se Ilahi Arsa hua dekha nahin gulzar-e-Madina Phir dekh loon sehra-e-Madina ki baharein Phir pesh-e-nazar kaash! hon gehsar-e-Madina Phir gumbad-e-khizra ke nazare hon muyassar Allah dikha de mujhe anwar-e-Madina Khak ankhon mein mehboob ke koche ki saja kar Dene ko salami chaloon darbar-e-Madina Kya kaif-o-suroor aata tha afsos woh mere The khwab woh goya sabhi asfar-e-Madina Ta'zeem ko uth jaate sabhi qafle wale joon hi nazar aate unhein asar-e-Madina Parh parh ke sunaya hai unhein kalima-e-tayyab Imaan pe hain shahid mere ashjar-e-Madina Shadabi-e-jannat ka main munkir nahin lekin Hai husn mein be-misl chaman zar-e-Madina Afsos! mere nafs ko phoolon ki talab hai A dil mein sama ja mere ae khar-e-Madina Kasrat se durood un pe parhoon Rab ne jo chaha Seene mein utar aayenge anwar-e-Madina Sarkar bulate hain Madine mein karam se Us ko ke jo ho dil se talabgar-e-Madina Rehlat ki ghari hai mere Allah dikha de Sharaf ek jhalak jalwa-e-Sarkar-e-Madina Allah mujhe baksh, na ho hashr mein pursish Kar lutf-o-karam az paye Sarkar-e-Madina Yarab dil-e-Attar pe chhayi hai udasi Kar shad dikha kar use gulzar-e-Madina

Search Your Kalam

Allah Ata Ho Mujhe Deedare Madina – Naat Lyrics in Roman English

More Kalam by Muhammad Ilyas Attar Qadri