Ae kaash phir Madeene mein Attar ja sake – Naat Lyrics in Roman English

Ae kaash! Phir Madeene mein Attar ja sake, ro ro ke haal-e-Shah ko apna suna sake Pichle baras toh hazir-e-dar ho gaya tha aah! Is saal kaash Hajj ka sharaf phir se pa sake Ya Rab-e-Mustafa! Koi aisa sabab bana saaye mein maut Gumbad-e-Khizra ke aa sake Taiba bula, ya woh dil-e-ghamgeen de mujhe, dil se na tera gham koi mere mita sake Ya Rab! Mujhe woh aankh de ke jo ishq-e-Rasool-e-Pak mein aansu baha sake Woh aag mere seene mein Aqa lagaye, patthar se sakht qalb ko bhi jo jala sake Sarkar-e-chaar yaar hon waasta, aisi bahaar do na khizaan paas aa sake Dushman agarche ghaat mein hai koi gham nahin, un ki madad rahe toh bigaad apna kya sake Chashm-e-karam ho aisi ke mit jaaye har khata, koi gunaah mujh se na shaitan kara sake Hai sabr toh khazana Firdous bhaiyo! Aashiq ke lab pe shikwa kabhi bhi na aa sake Jis waqt sunnaton ka main karne lagoon bayaan, aisa asar ho paida jo dil ko hila sake Meri zabaan mein woh asar de Khuda-e-Pak, jo Mustafa ke ishq mein sab ko rula sake Attar tere haami-o-nasir hain Mustafa, kis ki majaak hai ke jo tujh ko daba sake

Search Your Kalam

Ae kaash phir Madeene mein Attar ja sake – Naat Lyrics in Roman English

More Kalam by Muhammad Ilyas Attar Qadri