Aaj hain har jagah Aashiqan-e-Rasool, mahv-e-naat-o-sana Aashiqan-e-Rasool Jashn-e-milad ka sab rahe hain mana, bandagan-e-Khuda Aashiqan-e-Rasool Jashn-e-milad se ishq hai pyaar hai, hain manate sada Aashiqan-e-Rasool Mah-e-milad mein khoob lahraiye, ghar pe jhanda hara Aashiqan-e-Rasool Aamad-e-Mustafa marhaba marhaba, sab lagao sada Aashiqan-e-Rasool Seekhne sunnatain, masjid ao chalein, laye hain qafila Aashiqan-e-Rasool Yad rakhna kabhi chhorna mat kabhi, daman-e-Mustafa Aashiqan-e-Rasool Rahmat-e-Kibriya tum pe ho da'iman, hai hamari dua Aashiqan-e-Rasool Tum pe fazl-e-Khuda, rahmat-e-Mustafa, ho baroz-e-jaza Aashiqan-e-Rasool Kash! dunya mein tum do ba-fazl-e-Khuda, deen ka danka baja Aashiqan-e-Rasool Tum pe ho qabr mein har jagah hashr mein, saya-e-Mustafa Aashiqan-e-Rasool Be-namazi rahein kuch na rozay rakhein, un ko kis ne kaha? Aashiqan-e-Rasool Aalimon par hasein, phubtiyan bhi kasain, un ko kis ne kaha? Aashiqan-e-Rasool Jo ke gaane sunen, film beeni karen un ko kis ne kaha? Ashiqan-e-Rasool Bad nigahi karen, bad kalaami karen un ko kis ne kaha? Ashiqan-e-Rasool Khayen rizq-e-haram, aise hain bad lagaam un ko kis ne kaha? Ashiqan-e-Rasool Ehad toda karen, jhoot bola karen un ko kis ne kaha? Ashiqan-e-Rasool Jo sataate rahen dil dukhate rahen un ko kis ne kaha? Ashiqan-e-Rasool Chughliyon tohmaton, mein jo mashghool hon un ko kis ne kaha? Ashiqan-e-Rasool Gaaliyan jo baken aib daryaan karen un ko kis ne kaha? Ashiqan-e-Rasool Daadhiyan jo mundaayen karen ghibaten un ko kis ne kaha? Ashiqan-e-Rasool Kaash! Attar ka Taiba mein khatma ho karo ye dua Ashiqan-e-Rasool Bukhl ki Tareef Huwa malakatu imsakil maali haithu yajibu badhlu-hu bi hukmish shar'i awil muru'ati ya'ni jis cheez ka kharch karna shar'an ya muruwatan zaroori ho wahan kharch na karna. (Hadeeqa Nadiya sharh Tareeqa Muhammadiya j 2 s 27) Ghibat ki Tareef Kisi (zinda ya murda) shakhs ke posheeda aib ko (jis ka woh dusron ke samne zahir hona pasand na karta ho) us ki burai karne ke tor par zikr karna. (Bahar-e-Shariat hissa 9 s 17 Maktabatul Madina Karachi) Nauha ki Tareef Maiyat ke ausaf mubaligha ke sath (ya'ni maiyat ki badha chadha kar tareef) bayan kar ke awaz ke sath rona. (Bahar-e-Shariat j awal s 857 Maktabatul Madina Karachi)