Aah! Shah-e-Bahr-o-Bar! Main Madina Chhor Aaya – Naat Lyrics in Roman English

آہ! شاہِ بحر و بر! میں مدینہ چھوڑ آیا

Source collection: Wasail-e-Bakhshish

(Kaash! mere bhi yeh jazbaat hotay, yeh sirf Aashiq-e-Rasool ki Madine se judai ke jazbaat ki tarjumani hai) Aah! Shah-e-Bahr o Bar! main Madina chhor aaya Koh-e-gham para sar par, main Madina chhor aaya Aah! Masjid-e-Nabwi, haye Gumbad-e-Khazra Aah! Rauza-e-Anwar, main Madina chhor aaya Gham ke chhaye badal, dil mein mach gayi hal chal Aah! ae mere yaawar! main Madina chhor aaya Jab chala tha Taiba ko, thi khushi mere dil ko Aah! ab hai dil-e-muztar, main Madina chhor aaya Dil mein be-qarari hai aur girya taari hai Beh rahi hai chashm-e-tar, main Madina chhor aaya Chhup gaya nigahon se, aah! sab Madeenay ka Dilkash-o-haseen manzar, main Madeena chhod aaya Qalb para para hai, hijr-e-Shah ne maara hai Aah! mere chaar-e-gar! main Madeena chhod aaya Ab gham-e-Madeena se, chaak chaak seena hai Kyun kahoon na ro ro kar, main Madeena chhod aaya Lutf jo hai Taiba mein woh kahan watan mein hai Kya karoon ga ja kar ghar, main Madeena chhod aaya Laut kar na main aata, kaash! jaan de deta Gir ke khaak-e-Taiba par, main Madeena chhod aaya Aah! din Madeenay ke, jald jald guzray thay Haye jald chhoota dar, main Madeena chhod aaya Din ko bhi suroor aata, shab ko bhi zaroor aata Kya fiza thi kaif aawar, main Madeena chhod aaya Tha wahan samaan noori, ranj-o-gham se thi doori Aah! noor ke paikar! main Madeena chhod aaya Waqt-e-hijr jab aaya, phoot phoot kar roya Dard naak tha manzar, main Madeena chhod aaya Hijr ka hai sadma aur seena-o-jigar mere Rakh ke qalb par patthar, main Madeena chhod aaya Hijr ke main sadmon se, choor choor zakhmon se Chal raha tha ro ro kar, main Madeena chhod aaya Jab Madeena chhoota tha koh-e-gham ka toota tha Jaan-o-dil liye muztar, main Madeena chhod aaya Sabz gumbad aur minar, aah! chhoot gaye sarkar Phir bulaiye sarwar, main Madeena chhod aaya Tha gham-e-Madeena mein, furqat-e-Madeena mein Dil mera bohat muztar, main Madeena chhod aaya Mere haami-o-humdam! door hoon jahan ke gham De do apna gham sarwar! main Madeena chhod aaya Dil mein hai pareshani, ho karam aye sultani Aao khwab mein sarwar! main Madeena chhod aaya Dil ki hai ajab halat, sadma-o-gham-e-furqat Al-firaq aye sarwar! main Madeena chhod aaya Chal diya safeena hai chhoot gaya Madeena hai Haye! kya karoon sarwar main Madeena chhod aaya Gham ki ho gaya tasweer, aah! hijr hai taqdeer Chup hua hoon ro ro kar! main Madeena chhod aaya Door ho gaya sarkar! aah! ghamzada Attar Jald aaoon phir dar par, main Madeena chhod aaya

Search Your Kalam

Aah! Shah-e-Bahr-o-Bar! Main Madina Chhor Aaya – Naat Lyrics in Roman English

More Kalam by Muhammad Ilyas Attar Qadri